کنگ عبدالعزیز مقابلہ حسن قرآت کی اختتامی تقریب بدھ کو ہو گی

منگل 19 اگست 2025 10:50

ریاض (اُردو پوائنٹ اخبارتازہ ترین - اے پی پی۔ 19 اگست2025ء) سعودی عرب کی وزارت اسلامی امور کے زیر اہتمام کنگ عبدالعزیز مقابلہ حسن قرآت کی اختتامی تقریب بدھ کو مکہ مکرمہ میں ہو گی۔

(جاری ہے)

اردو نیوز کے مطابق خادم الحرمین شریفین شاہ سلمان بن عبدالعزیزکی نیابت کرتے ہوئے مکہ ریجن کے نائب گورنر شہزادہ سعود بن مشعل بن عبدالعزیز بدھ کو کنگ عبدالعزیز مقابلہ حسن قرآت و حفظ قرآن کی اختتامی تقریب میں شرکت کریں گے۔

اب تک کے سب سے بڑے مقابلے میں 128 ممالک سے تعلق رکھنے والے 179 افراد شریک ہوئے۔ فائنل راؤنڈ 6 روز جاری رہنے کے بعد کامیابی سے اختتام پذیر ہوا جس کے بعد اختتامی تقریب بدھ کو ہو گی۔ رواں سال کے مقابلے میں 5 مختلف کیٹگریز کے لئے 4 ملین ریال سے زیادہ کے مجموعی انعامات رکھے گئے ہیں۔