کراچی کے علاقے جہانگیر روڈ پر شہریوں کے اغوا میں ملوث 3 ملزمان گرفتار

محمد نعمان، فرید الحق اور محمد نور کو گرفتار کیا گیا‘ غیر قانونی اسلحہ و ایمونیشن اور چھینی گئی موٹرسائیکل برآمد ‘ترجمان رینجرز

منگل 19 اگست 2025 11:50

کراچی (اُردو پوائنٹ اخبارتازہ ترین - این این آئی۔ 19 اگست2025ء)کراچی کے علاقے جہانگیر روڈ پر اسنیپ چیکنگ کے دوران شہریوں کے اغوا میں ملوث 3 ملزمان کو رینجرز نے گرفتار کرلیا۔ترجمان کے مطابق محمد نعمان، فرید الحق اور محمد نور کو گرفتار کیا گیا ہے جن سے غیر قانونی اسلحہ و ایمونیشن اور چھینی گئی موٹرسائیکل برآمد ہوئی ہے۔

(جاری ہے)

ملزمان کا ایک ساتھی محمد نور عرف منا ڈانسر فرار ہوگیا، گرفتار ملزمان نے اعتراف کیا ہے کہ ملزم محمد نعمان گینگ کا لیڈر ہے جس کے خلاف تھانا گلشن معمار میں اغوا برائے تاوان کی ایف آئی آر درج ہے۔

ترجمان رینجرز کے مطابق ملزم فرید الحق ڈکیتیوں اور غیر قانونی اسلحہ رکھنے میں ملوث ہے جو تھانا رسالہ، بریگیڈ اور اورنگی ٹاؤن کو مطلوب ہے۔علاوہ ازیں ملزم محمد نور منشیات فروشی میں ملوث اور تھانا تیموریہ کو مطلوب ہے، گرفتار ملزمان جمشید کوارٹرز تھانے میں اغوا برائے تاوان کے مقدمے میں بھی مطلوب تھے۔ترجمان رینجرز کا بتانا ہے کہ ملزمان کے 4 ساتھیوں کو رینجرز نے 14اگست کو بچے کے اغوا کی کوشش میں رنگے ہاتھوں گرفتار کیا تھا۔