امریکی بلاگرز کو کھانے کا ذائقہ چکھنے کے دوران بڑے خطرے کا سامنا، کار دیوار توڑ کر ریسٹورنٹ کے اندر گھس گئی

بدھ 20 اگست 2025 16:02

واشنگٹن (اُردو پوائنٹ اخبارتازہ ترین - این این آئی۔ 20 اگست2025ء)امریکا میں ریسٹورنٹ میں کھانے کے ریویو کے دوران ایک گاڑی دیوار توڑ کر اندر گھس گئی۔ امریکا کی ریاست ٹیکساس کے شہر ہوسٹن میں ایک خوفناک واقعہ پیش آیا، دو فوڈ بلاگرز ریسٹورنٹ میں کھانے کا ریویو ریکارڈ کر رہے تھے کہ اچانک ایک کار شیشے کا دروازہ توڑتے ہوئے اندر داخل ہوگئی۔

(جاری ہے)

تفصیلات کے مطابق سوشل میڈیا پر نیناکے نام سے مشہور نینا سانتیاگو اور ان کے ساتھی کانٹینٹ کریئیٹر پیٹرک بلیک ووڈ مقامی ریسٹورنٹ میں سالمن سلائیڈرز کھا رہے تھے اور ویڈیو بنا رہے تھے۔

اسی دوران ایک ایس یو وی بے قابو ہو کر ریسٹورنٹ کی فرنٹ وال توڑ کر اندر داخل ہوگئی۔سوشل میڈیا پر وائرل ہونے والی فوٹیج میں واضح طور پر دیکھا جا سکتا ہے کہ دونوں افراد کھانے کا نوالہ لینے ہی والے تھے کہ اچانک شیشہ ٹوٹ کر ان پر بکھر گیا۔ ویڈیو میں بلیک ووڈ کو فوری طور پر سانتیاگو کو پیچھے دھکیلتے ہوئے دیکھا گیا تاکہ وہ شیشے کے ٹکڑوں سے بچ سکیں۔خوش قسمتی سے دونوں بلاگرز کسی بڑے نقصان سے محفوظ رہے۔