اسرائیلی وزیر دفاع نے غزہ سٹی پر قبضے کے لیے آپریشن کے منصوبے کی منظوری دے دی

بدھ 20 اگست 2025 17:15

تل ابیب (اُردو پوائنٹ اخبارتازہ ترین - اے پی پی۔ 20 اگست2025ء) اسرائیلی وزیر دفاع نے غزہ سٹی پر قبضے کے لیے آپریشن کے منصوبے کی منظوری دے دی ۔تاس نے اسرائیل کے سرکاری نشریاتی ادارے کان کے حوالہ سے بتایا کہ اسرائیلی وزیر دفاع اسرائیل کاٹز نے غزہ شہر پر قبضے کے لیے ایک منصوبے کی منظوری دے دی ہے، اس آپریشن کوگیڈین چاریئٹس ۔2 کا کوڈ نام دیا گیا ہے۔

اسرائیلی وزیر دفاع نے سرکاری بتایا کہ آپریشن کے بعد، غزہ سٹی کا لینڈ سکیپ بدل جائے گا اور وہ پہلے جیسا نظر نہیں آئے گا۔

(جاری ہے)

علاوہ ازیں ٹائمز آف اسرائیل نے اطلاع دی ہے کہ آنے والے دنوں میں غزہ پر قبضے میں معاونت کے لئے 60 ہزار ریزرو فوجیوں کو بھرتی کے نوٹس بھیجے جانے کی توقع ہے، اور بھرتی ہونے والوں کو جمع ہونے کے لیے دو ہفتے سے کم کا وقت دیا جائے گا جبکہ مزید ایک لاکھ 30 ہزار کو غزہ پر قبضے کے منصوبے پر عملدرآمد کے دوران ریزرو میں رکھا جائے گا ۔واضح رہے کہ گیڈین چاریئٹس قدیم دور میں بنی اسرائیل کی عمالقہ نامی قدآور لوگوں کی قوم سے جنگ کا حوالہ ہے جن کے ساتھ لڑائی سے بنی اسرائیل نے اس وقت انکار کر دیا تھا جب موسی علیہ السلا م ان میں موجود تھے۔\932