گزشتہ 24 گھنٹوں کے دوران پنجاب بھرمیں 1225ٹریفک حادثات میں 10افراد جاں بحق ،1430زخمی ہوئے،ترجمان ریسکیو

بدھ 20 اگست 2025 21:00

لاہور (اُردو پوائنٹ اخبارتازہ ترین - اے پی پی۔ 20 اگست2025ء) گزشتہ 24 گھنٹوں کے دوران پنجاب بھرمیں 1225ٹریفک حادثات میں 10افراد جاں بحق ،1430زخمی ہوئے۔

(جاری ہے)

ترجمان ریسکیو کے مطابق ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں 1225ٹریفک حادثات پر ریسپانڈ کیا جن میں 566افراد شدید زخمی ہوگئے جنہیں فوری نزدیکی ضلعی و تحصیل ہسپتالوں میں منتقل کیا گیا جبکہ864معمولی زخمیوں کو ریسکیومیڈیکل ٹیموں نے جائے حادثہ پر بروقت طبی امداد فراہم کی ۔

ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 837ڈرائیورز،49کم عمرڈرائیورز،455مسافراور148پیدل چلنے والے افراد متاثر ہوئے۔ترجمان کے مطابق267ٹریفک حادثات کی فون کالز لاہور کنٹر ول روم میں موصول ہوئیں ،جس میں صوبائی دارالحکومت326متاثرین کے ساتھ پہلے،ملتان 86حادثات میں 105متاثرین کے ساتھ دوسر ے اورفیصل آباد 70حادثات میں 85متاثرین کے سا تھ تیسرے نمبرپررہا۔