~ فیصل آباد ،فیسکو کے کال سنٹر 118کی ماہانہ کارکردگی رپورٹ جاری

بدھ 20 اگست 2025 21:10

فیصل آباد (اُردو پوائنٹ اخبارتازہ ترین - آن لائن۔ 20 اگست2025ء)ڈپٹی ڈائریکٹر کمپلینٹ فیسکو حافظ شہزاد کے مطابق کہ پاور انفارمیشن ٹیکنالوجی کمپنی ( PITC) نے فیسکو کے کال سنٹر 118کی ماہانہ کارکردگی رپورٹ جاری کر دی ۔انھوں نے بتا یا کہ اس رپورٹ کے مطابق کسٹمر کمپلینٹ مینجمنٹ سسٹم 118کو ماہ جولائی میں82265ہزار شکایات موصول ہوئیں جن میں سی81507 شکایات کا فوری ازالہ کیا گیاجبکہ 758شکایات پر کارروائی جاری ہے۔

فیسکو فرسٹ سرکل کو18137شکایات ، سیکنڈ سرکل کو27176، جھنگ سرکل کو4869، سرگودھا سرکل کو20226 میانوالی سرکل کو4310اور ٹوبہ ٹیک سنگھ سرکل کو7547شکایات موصول ہوئیں ۔ جن میں صارفین کے نئے کنکشنز، تاروں کی تبدیلی اوردیگر تکنیکی شکایات شامل ہیں۔ڈپٹی ڈائریکٹر کمپلینٹ حافظ شہزاد نے کہا کہ چیف ایگزیکٹو فیسکو انجنئیرمحمد عامر کی ہدایت پر فیسکو ہیڈکوارٹرز میں مرکزی کمپلینٹ سنٹر 24گھنٹے صارفین کی شکایات کے ازالے کیلئے کوشاں ہے ۔

(جاری ہے)

ہیلپ لائن 118مکمل طور پر فعال ہے جس پر صارفین ہمہ قسم کی شکایات کا اندراج کروا سکتے ہیں جبکہ صارفین کی سہولت کیلئے ایس ایم ایس سروس 8118بھی کام کر رہی ہے جس پر میسج کر کے بھی صارفین اپنی شکایات کا ازالہ کر وا سکتے ہیں۔انھوں نے مزید کہا کہ فیسکو افسران و ملازمین مل کر کمپنی کے اچھے امیج کیلئے کام کریں اور کسٹمر کئیر کو اپنی اولین ترجیح بنا لیں کیونکہ ایک مطمئن صارف ہی کمپنی کی بہترین کارکردگی کا عکاس ہوتا ہے ۔انہوں نے ہدایت کی کہ صارفین کے مسائل حل کرنے کے لئے متحرک ہو جائیں اور ان کی بجلی سے متعلقہ شکایات کے فوری ازالہ کو ترجیح دیں