حضرو، سی سی ڈی پر فائرنگ کرنے والے دو افراد زخمی حالت میں گرفتار

جمعرات 21 اگست 2025 10:20

حضرو (اُردو پوائنٹ اخبارتازہ ترین - اے پی پی۔ 21 اگست2025ء) سی سی ڈی پولیس بسلسلہ ناکہ بندی فقیر آباد کے نزدیک موجود تھی کہ دو موٹر سائیکلوں پر سوار چار مشکوک اشخاص تیز رفتاری سے آئے جنکو رکنے کا اشارہ کیا گیا ، موٹر سائیکل سواروں نے پولیس پر بنیت قتل فائرنگ شروع کر دی اور فائرنگ کرتے کرتے سنجوال روڈ کی جانب موٹر سائیکلوں پر بھاگے جنکا تعاقب کیا گیا، جو راستے میں موٹر سائیکلوں سے گر گئے ۔

(جاری ہے)

فائرنگ رکنے پر پولیس کو دو اشخاص زخمی حالت میں ملے ،جنکے نام قلندر بادشاہ ولد حضرت علی عرف شاہد افغانی سکنہ حال فقیر آباد اٹک اور عدیل اختر ولد طارق محمود سکنہ پنڈ گوندل، ٹیکسلا راولپنڈی معلوم ہوئے جنہوں نے بتایا کہ اپنے ہی بامسلح ساتھیوں شیر علی افغانی ولد زیارت گل سکنہ حال ٹیکسلا راولپنڈی اور نصیر خان ولد دوران خان سکنہ مہمند ایجنسی حال فقیر آباد کی فائرنگ سے زخمی ہوئے جنکو فوری ابتدائی طبی امداد کیلئے ہسپتال روانہ کر کے انکے بامسلح ساتھیوں کی تلاش کا عمل شروع کر دیا گیا۔\378