سیالکوٹ، سڑک حادثے کے نتیجے میں دو افراد زخمی، خاتون جاں بحق

جمعرات 21 اگست 2025 13:47

سیالکوٹ (اُردو پوائنٹ اخبارتازہ ترین - اے پی پی۔ 21 اگست2025ء) سیالکوٹ میں موٹرسائیکلوں کے تصادم سے دو افراد زخمی اور ایک خاتون جاں بحق ہو گئی۔ ترجمان ریسکیو 1122 کے مطابق سیالکوٹ کے علاقہ کوٹلی لوہاراں روڈ پر مخالف سمت سے آتے ہوئے دو موٹر سائیکلیں آپس میں ٹکرا گئیں جس سے موٹر سائیکل سوار نیچے گر گئے اور پاس سے گزرتی ہوئی ریت کی ٹرالی کے نیچے آگئے،واقعے میں55 سالہ وحید ولد عبدالرشید اور 5 سالہ حیدر علی شدید زخمی ہو گئے جبکہ 45 سالہ نازیہ خاتون زخموں کی تاب نہ لاتے ہوئے موقع پر جاں بحق ہو گئی۔

(جاری ہے)