بیوی کے طعنوں سے تنگ شہری بجلی کے ہائی ٹینشن ٹاور پر چڑھ گیا، پولیس نے مناکر اتارلیا

جمعرات 21 اگست 2025 21:35

لاہور(اُردو پوائنٹ اخبارتازہ ترین - این این آئی۔ 21 اگست2025ء) لاہور کے علاقے ماڈل ٹائون میں گھر والوں اور بیوی کے طعنوں سے تنگ رکشہ ڈرائیور بجلی کے ہائی ٹرانسمیشن ٹاور پر چڑھ گیا تاہم پولیس اور ریسکیو اہلکاروں نے کئی گھنٹوں کی کوشش کے بعد اسے مناکر نیچے اتارلیا۔

(جاری ہے)

ماڈل ٹائون کے رہائشی اپنے گھر والوں سے لڑائی کے بعد ہائی ٹینشن ٹاور پر چڑھ گیا تھا، شہری کو اتارنے کے لیے پولیس اور ریسکیو ٹیمیں موقع پر پہنچ گئیں۔

پولیس اور ریسکیو ٹیموں کی جانب سے شہری کو اتارنے کے لئے ہر ممکن کوششیں کی اور آخر کار ان کی محنت رنگ لے آئی، وہ کئی گھنٹوں بعد شہری کو منانے میں کامیاب ہوگئے اور اسے نیچے اتار لیا۔اس موقع پر رکشہ ڈرائیور کے اہل خانہ بھی موقع پر موجود رہے اور وہ بھی اسے کھمبے سے نیچے اترنے پر راضی کرنے کی کوشش کرتے رہے۔