پاکستان سپورٹس بورڈ نے محمد شفیق راجہ کو اپنا ترجمان نامزد کر دیا

ہفتہ 23 اگست 2025 16:49

اسلام آباد(اُردو پوائنٹ اخبارتازہ ترین - این این آئی۔ 23 اگست2025ء)پاکستان سپورٹس بورڈ (پی ایس بی) نے سینئر صحافی محمد شفیق راجہ کو اپنا ترجمان نامزد کر دیا ہے۔ وہ اس وقت ایسوسی ایٹڈ پریس آف پاکستان (اے پی پی) میں فرائض سرانجام دے رہے ہیں۔

(جاری ہے)

پی ایس بی کے ایک عہدیدار کے مطابق اے پی پی نے این او سی جاری کر دیا ہے کہ محمد شفیق راجہ اپنی معمول کی ذمہ داریوں کے ساتھ ساتھ پی ایس بی کے ترجمان کے طور پر بھی خدمات انجام دیں گے۔ پی ایس بی نے یہ نامزدگی آئندہ سائوتھ ایشین گیمز کے پیش نظر اور میڈیا سے موثر رابطہ کاری کی ضرورت کے تحت کی ہے۔محمد شفیق راجہ کاشعبہ صحافت میں تقریباً دو دہائیوں کا تجربہ ہے۔انہوں نے کھیلوں کی رپورٹنگ میں نمایاں خدمات سر انجام دی ہیں۔