لاہور ایئرپورٹ پر اے این ایف کی کارروائی، نائیجیرین گرفتار

جمعرات 28 اگست 2025 22:30

لاہور(اُردو پوائنٹ اخبارتازہ ترین - آن لائن۔ 28 اگست2025ء)اینٹی نارکوٹکس فورس (اے این ایف) نے علامہ اقبال انٹرنیشنل ایئرپورٹ لاہور پر منشیات سمگلنگ کی کوشش ناکام بنا دی۔ ترجمان اے این ایف کے مطابق فورس نے نائیجیرین مسافر کو پکڑ لیا، جس کے پیٹ سے 38 کوکین بھرے کیپسول برآمد ہوئے۔

(جاری ہے)

برآمدہ کیپسولز سے مجموعی طور پر 646 گرام کوکین نکالی گئی۔حکام کا کہنا ہے کہ مشتبہ مسافر کو حراست میں لے کر ہسپتال منتقل کر دیا گیا ہے۔ترجمان اے این ایف کے مطابق ملزم بحرین سے غیر ملکی پرواز کے ذریعے ''بزنس ویزی'' پر لاہور پہنچا تھا۔ اس کے خلاف انسداد منشیات ایکٹ کے تحت مقدمہ درج کر کے مزید تحقیقات شروع کر دی گئی ہیں۔