راولپنڈی ،منشیات سپلائی کرنے کے جرم میں مجرم عامر شاہ کو 9 سال قید کی سزا

جمعرات 28 اگست 2025 20:58

راولپنڈی(اُردو پوائنٹ اخبارتازہ ترین - این این آئی۔ 28 اگست2025ء)راولپنڈی پولیس کی موثر پولیسنگ کے باعث منشیات سپلائی کرنے کے جرم میں مجرم عامر شاہ کو 9 سال قید اور 80ہزار روپے جرمانے کی سزا سنائی گئی۔

(جاری ہے)

تفصیلات کے مطابق معزز عدالت نے منشیات سپلائر کو سزا سنا دی ، مجرم عامر شاہ کو 9 سال قید اور 80ہزار روپے جرمانے کی سزا سنائی گئی ہے،مجرم سی1کلو 600 گرام چرس برآمد ہونے پر صدرواہ پولیس نے مارچ 2025 میں گرفتار کیا تھا، ٹھوس شواہد اور موثر پیروی کے پیش نظر معزز عدالت نے مجرم کو قرار واقعی سزا سنائی۔سی پی او سید خالد ہمدانی نے ایس ایس پی انوسٹی گیشن اور تفتیشی و لیگل ٹیموں کو شاباش دیتے ہوئے کہا کہ منشیات کے ناسور کے خاتمے کے لیے تمام اقدامات اٹھائے جا رہے ہیں۔