Live Updates

مہنگائی کے سبب آٹے کی قیمتوں میں مسلسل اضافہ جاری

پرائیویٹ کمپنی اور فلور ملز نے آٹے کے تھیلوں کی قیمتیں مزید بڑھا دیں

جمعہ 29 اگست 2025 22:39

مہنگائی کے سبب آٹے کی قیمتوں میں مسلسل اضافہ جاری

لاہور(اُردو پوائنٹ اخبارتازہ ترین - آن لائن۔ 29 اگست2025ء) مہنگائی نے متوسط اور کم آمدنی والے طبقے کی مشکلات میں نمایاں اضافہ کر دیا ہے۔ شہر میں آٹے کی قیمتوں میں مسلسل اضافہ جاری ہے جس سے عوام کی مشکلات بڑھ گئی ہیں۔

(جاری ہے)

تفصیلات کے مطابق پرائیویٹ کمپنی کا پیکنگ والا آٹا فی من 80 روپے مہنگا ہوگیا ہے، جس کے بعد 5 کلوگرام کا پیکنگ والا تھیلا 660 روپے کا اور فی من آٹا 5280 روپے کا فروخت ہو رہا ہے۔اسی طرح مختلف فلور ملز کے تیار کردہ 10 کلوگرام آٹے کا تھیلا 850 روپے میں فروخت کیا جا رہا ہے۔ عوامی حلقوں نے حکومت سے مطالبہ کیا ہے کہ آٹے کی قیمتوں کو کنٹرول کرنے کے لیے فوری اقدامات کیے جائیں تاکہ مہنگائی کے بوجھ تلے پسنے والے عوام کو ریلیف فراہم ہو سکے۔