عالمی مارکیٹ کے زیراثر پیٹرولیم مصنوعات کی قیمتوں میں اضافے کا امکان

جمعرات 28 اگست 2025 19:44

اسلام آباد (اُردو پوائنٹ اخبارتازہ ترین - این این آئی۔ 28 اگست2025ء)عالمی مارکیٹ کے زیراثر ملک میں پیٹرولیم مصنوعات کی قیمتوں میں اضافے کا امکان ہے۔میڈیا رپورٹ کے مطابق گزشتہ 13 روز کے دوران عالمی منڈی میں خام تیل کی قیمتوں میں اضافہ دیکھا گیا، برطانوی برینٹ فی بیرل ایک ڈالر 60 سینٹ، برطانوی برینٹ کی فی بیرل ٹریڈ 65.85 ڈالر سے بڑھ کر 67.47 ڈالر پر پہنچ گئی۔

(جاری ہے)

عالمی منڈی میں گزشتہ 13 روز کے دوران امریکی خام تیل ایک ڈالر 64 سینٹ مہنگا ہوکر فی بیرل ٹریڈ 61.98 ڈالر سے بڑھ کر 63.62 ڈالر پر پہنچ گئی۔ملک میں پیٹرولیم مصنوعات کی قیمتوں میں ردو بدل 31 اگست کو کیا جائے گا، اوگرا پیٹرولیم قیمتوں کے تعین کی سمری 31 اگست کو حکومت کو بھجوائے گا، وزیر اعظم شہباز شریف پیٹرولیم مصنوعات کی قیمتوں کی حتمی منظوری دیں گے۔ وزیر اعظم کی منظوری کے بعد وزارت خزانہ قیمتوں کا نوٹیفکیشن جاری کرے گی۔