ایس ای سی پی نے کارپوریٹ ایکشن ٹائم لائنز میں نمایاں کمی کی منظوری دے دی

جمعہ 29 اگست 2025 19:01

اسلام آباد(اُردو پوائنٹ اخبارتازہ ترین - آن لائن۔ 29 اگست2025ء) ایس ای سی پی نے کمپنیز (مزید اجرائ شیئرز) ریگولیشنز، 2020 میں ترامیم کی منظوری دے دی ہے، جس کے تحت بونس اور رائٹ ایشوز کا وقت کم کر دیا گیا ہے تاکہ شیئر ہولڈرز کو زیادہ فائدہ پہنچایا جا سکے۔ ماضی میں بونس ایشو کو مکمل ہونے میں 85 دن اور رائٹ ایشو کو 181 دن لگتے تھے، جس میں ابتدائی عمل سے لے کر شیئر ہولڈرز کے اکاؤنٹس میں حصص کے کریڈٹ ہونے تک کا پورا مرحلہ شامل تھا۔

نئے فریم ورک کے تحت، بونس ایشو اب صرف 11 دن میں مکمل ہو گا (87 فیصد کمی)، جبکہ رائٹ ایشو 53 دن میں مکمل ہو گا (70 فیصد کمی)۔ ایس ای سی پی نے مارکیٹ اصلاحات کے لیے پہلے ایک مشاورتی مسودہ شائع کیا اور اسٹیک ہولڈرز سے بہتری کے ممکنہ پہلوؤں پر رائیطلب کیں۔

(جاری ہے)

ایس ای سی پی نے پی ایس ایکسPSX))، سی ڈی سی(CDC)، این سی سی پی ایل(NCCPL)، کنسلٹنٹس، قانونی اور مالی ماہرین سمیت اہم اسٹیک ہولڈرز سے آن لائن مشاورت کی۔

اس کے بعد ترامیم کا مسودہ جاری کیا گیا اور موصول ہونے والی تمام تجاویز کا جائزہ لے کر انہیں منظور کیا گیا۔ اہم تبدیلیوں میں بٴْک بند ہونیکے نوٹس کی کم مدت، ایک دن کا بٴْک کلاڑر، آفر دستاویزات کی جلد منظوری، لیٹر آف رائٹ کا فوری کریڈٹ، اور رائٹ و بونس شیئرز کی تیز الاٹمنٹ شامل ہیں۔ کم وقت کا مطلب ہے کہ شیئر ہولڈرز کو بونس اور رائٹ شیئرز جلد مل سکیں گے، جس سے وہ پہلے ہی تجارتی مواقع سے فائدہ اٹھا سکیں گے۔

یہ ترامیم یکم اکتوبر 2025 سے نافذ ہوں گی، ساتھ ہی پی ایس ایکس(PSX)اور سی ڈی سی (CDC)کے قواعد بھی بدلے جائیں گے۔ مزید یہ کہ سرمایہ کاروں کے لیے بہتر ماحول پیدا کرنے اور پاکستان کی کیپٹل مارکیٹس کو مزید پرکشش بنانے کے لیے، ایس ای سی پی متعلقہ اسٹیک ہولڈرز سے مشاورت کے بعد ایسے اقدامات پر غور کر رہا ہے جن سے ڈیویڈنڈ کی ادائیگی کا وقت کم کیا جا سکے۔ اس کے ساتھ ساتھ روشن ڈیجیٹل اکاؤنٹس (RDA) کے ذریعے مختلف بروکریج ہاؤسز میں اکاؤنٹ کھولنے اور ایک ہی شخص کے (RDA)اکاؤنٹس کے درمیان فنڈز کی منتقلی سے متعلق مسائل کو بھی حل کیا جائے گا۔