پنجاب کے تمام تعلیمی بورڈز انٹرمیڈیٹ سیکنڈ ایئر کے امتحانی نتائج کا اعلان18 ستمبراور فرسٹ ایئر کا 15 اکتوبر کو کریں گے

ہفتہ 30 اگست 2025 12:46

مکوآنہ(اُردو پوائنٹ اخبارتازہ ترین - این این آئی۔ 30 اگست2025ء) بورڈ آف انٹرمیڈیٹ اینڈ سیکنڈری ایجوکیشن فیصل آباد، سرگودھا، ساہیوال، بہاولپور، ملتان، ڈی جی خان،گوجرانوالہ، راولپنڈی، لاہور سمیت پنجاب بھر کے تمام تعلیمی بورڈز انٹرمیڈیٹ سیکنڈ ایئروکمپوزٹ(بارہویں جماعت)فرسٹ اینول سال2025 کے امتحانی نتائج کا اعلان18 ستمبراور گیارہویں جماعت فرسٹ اینول سال2025 کے امتحانی نتائج کااعلان 15 اکتوبر کو کریں گے۔

(جاری ہے)

اعلی و ثانوی تعلیمی بورڈ فیصل آباد کے شعبہ تعلقات عامہ کے ترجمان ساجد نقوی نے بتایا ہے کہ نتائج کے روز صبح 10 بجے خصوصی تقریبات میں کمپیوٹر کا بٹن دباکر نتائج متعلقہ بورڈز کی ویب سائٹس پر اپ لوڈ کئے جائیں گے۔ انہوں نے بتایا کہ نتائج کی تیاری انتہائی شفاف طریقے سے جاری ہے تاکہ ان میں کسی غلطی کا احتمال نہ رہے۔