Live Updates

ڈائریکٹر جنرل پی ڈی ایم اے کا نصیر آباد ڈویژن کا دورہ، سیلابی صورتحال کا جائزہ لیا

ہفتہ 30 اگست 2025 21:00

کوئٹہ (اُردو پوائنٹ اخبارتازہ ترین - اے پی پی۔ 30 اگست2025ء) ڈائریکٹر جنرل پی ڈی ایم اے جہانزیب خان نے نصیر آباد ڈویژن کا دورہ کیا اور کمشنر صلاح الدین نورزئی سے سیلابی صورتحال اور مفاد عامہ میں کیے گئے اقدامات کے حوالے سے ملاقات کی ۔ اس موقع پر ڈپٹی کمشنر نصیر آباد منیر احمد خان کاکڑ ، ڈائریکٹر پلاننگ اینڈ کوآرڈینیشن پی ڈی ایم اے نوید احمد بھی موجود تھے ۔

(جاری ہے)

کمشنر نصیر آباد ڈویژن صلاح الدین نورزئی نے ڈی جی پی ڈی ایم اے کو ڈویژن بھر میں ممکنہ سیلابی صورتحال ،قائم کیے گئے فلڈ کنٹرول رومز ،مشینری اور ہنگامی حالات میں مفاد عامہ میں جاری امور کے حوالے سے آگاہی فراہم کی ۔ ڈائریکٹر جنرل پی ڈی ایم اے جہانزیب خان نے کہا کہ وزیراعلیٰ بلوچستان میر سرفراز خان بگٹی اور چیف سیکرٹری بلوچستان شکیل قادر خان کے احکامات کی روشنی میں پی ڈی ایم اے بہتر معنوں میں اقدامات کر رہی ہے ، اس حوالے سے ڈویژنل اور ضلع انتظامیہ پی ڈی ایم اے کے ساتھ اپنے تعاون کو یقینی بنا رہے ہیں ، تمام اضلاع میں مشینری و دیگر ضروری سامان کی فراہمی کے لیے اقدامات کیے گئے ہیں ، مزید سامان اور مشینری کی ضرورت کو پورا کرنے کے لیے پی ڈی ایم اے تمام دستیاب وسائل بروکار لائے گی۔