،اسلام آباد ہائیکورٹ میں ڈاکٹر عافیہ صدیقی کیس جسٹس سردار اعجاز اسحاق خان کی بجائے جسٹس انعام امین منہاس سماعت کریں گے

اتوار 31 اگست 2025 18:40

×اسلام آباد(اُردو پوائنٹ اخبارتازہ ترین - آن لائن۔ 31 اگست2025ء)اسلام آباد ہائیکورٹ میں ڈاکٹر عافیہ صدیقی کیس جسٹس سردار اعجاز اسحاق خان کی بجائے جسٹس انعام امین منہاس سماعت کریں گے۔سماعت آج پیرکوہوگی ۔یاد رہے کہ جسٹس سردار اعجاز اسحاق خان نے حال ہی میں وزیراعظم اور وفاقی کابینہ کو توہینِ عدالت کے نوٹسز جاری کیے تھے اور یکم ستمبر تک جواب طلب کیا تھا۔

اسلام آباد ہائیکورٹ میں موسم گرما کی تعطیلات کے بعد ججز کا نیا ڈیوٹی روسٹر جاری کر دیا گیا ہے۔

(جاری ہے)

اس حوالے سے جاری نوٹی فکیشن کے مطابق عدالت عالیہ کے 9 ججز سنگل بینچز میں فرائض سرانجام دیں گے جب کہ 5 ڈویڑن بینچز بھی آئندہ ہفتے دستیاب ہوں گے۔روسٹر کے مطابق جسٹس بابر ستار اور جسٹس سردار اعجاز اسحاق خان سنگل بینچز کا حصہ نہیں ہوں گے، اس وجہ سے ان کے سنگل کیسز دوسرے ججز کو منتقل کر دیے گئے ہیں، تاہم دونوں ججز کو ٹیکس سے متعلق مقدمات کے لیے ڈویژن بینچ میں شامل کیا گیا ہے روسٹر کے تحت آئندہ ہفتے اسلام آباد ہائیکورٹ میں 9 سنگل اور 5 ڈویڑن بینچ مختلف مقدمات کی سماعت کریں گے۔