لاپتہ شہریوں کی بازیابی کیس: پولیس نے اپنی رپورٹ عدالت میں جمع کرا دی

عدالت نے رپورٹ آنے کے بعد بعض درخواستیں نمٹا دیں‘ دیگر لاپتہ شہریوں کی بازیابی کیلئے مؤثر اقدامات کرنے کی ہدایت

پیر 1 ستمبر 2025 11:00

کراچی(اُردو پوائنٹ اخبارتازہ ترین - این این آئی۔ 01 ستمبر2025ء) سندھ ہائیکورٹ میں لاپتہ شہریوں کی بازیابی سے متعلق درخواستوں کی سماعت ہوئی جس میں پولیس نے اپنی رپورٹ عدالت میں جمع کرا دی۔رپورٹ میں بتایا گیا کہ سپر ہائی وے کی حدود سے لاپتہ ہونے والا شہری شعیب گھر واپس پہنچ گیا ہے جبکہ کیماڑی سے لاپتہ قرار دیئے گئے شہری کے خلاف مقدمہ درج ہے جو ٹرائل کورٹ میں زیرِ سماعت ہے۔

(جاری ہے)

عدالت نے رپورٹ آنے کے بعد بعض درخواستیں نمٹا دیں اور دیگر لاپتہ شہریوں کی بازیابی کے لیے مؤثر اقدامات کرنے کی ہدایت جاری کی۔وکیلِ درخواست گزار نے مؤقف اختیار کیا کہ اورنگی ٹاؤن کے شہری نعمت اللہ اور سعید آباد کے محمد اکمل تاحال لاپتہ ہیں، عدالت نے حکم دیا کہ ان کی بازیابی سے متعلق پیش رفت آئندہ سماعت پر پیش کی جائے اور ساتھ ہی کیس کی مزید سماعت ایک ماہ کے لیے ملتوی کر دی۔