احتساب نہ ہوا تو بارش کے بعد تباہی کا تماشا ہر سال ہوگا،خواجہ آصف

گورکھ دھندے میں شامل گورنمنٹ آفیشلز کی جوابدہی بھی ہوگی،وزیردفاع

پیر 1 ستمبر 2025 21:45

احتساب نہ ہوا تو بارش کے بعد تباہی کا تماشا ہر سال ہوگا،خواجہ آصف

اسلام آباد (اُردو پوائنٹ اخبارتازہ ترین - این این آئی۔ 01 ستمبر2025ء)وزیردفاع خواجہ آصف نے کہا کہ احتساب نہ ہوا تو بارش کے بعد تباہی کا تماشا ہر سال ہوگا،گورکھ دھندے میں شامل گورنمنٹ آفیشلز کی جوابدہی بھی ہوگی۔ نجی ٹی وی سے گفتگو میں خواجہ آصف نے کہا ہے کہ سیالکوٹ میں بارش سے تباہی کی وجہ 2019 میں شروع ہونے والا منصوبہ ہے۔ پی ٹی آئی دور کے منصوبے میں ایک سینیٹر سمیت سیاستدان ٹھیکیدار ہیں۔

(جاری ہے)

حکومت ان کے گریبان بھی پکڑے گی، احتساب بھی کرے گی۔خواجہ آصف نے کہا کہ پارلیمنٹ کا سیشن شروع ہورہا ہے،وہاں معاملہ اٹھاں گا، پراجیکٹ ڈائریکٹر سے رابطہ کیا،ڈیڑھ سال میں خاطرخواہ رسپانس نہیں ملا، گورکھ دھندے میں شامل گورنمنٹ آفیشلز کی جوابدہی بھی ہوگی، یہاں کے پٹواریوں، تحصیلداروں کے پیرس اور نیویارک میں کاروبار ہیں۔ ان پٹواریوں، تحصیلداروں کے پاس کینیڈین شہریت بھی ہے۔