اسلام آباد ہائیکورٹ: موسم گرما کی تعطیلات ختم، معمول کی عدالتی کارروائی بحال

پیر 1 ستمبر 2025 11:00

اسلام آباد(اُردو پوائنٹ اخبارتازہ ترین - این این آئی۔ 01 ستمبر2025ء)اسلام آباد ہائیکورٹ میں دو ماہ کے بعد موسمِ گرما کی عدالتی تعطیلات ختم ہو گئیں اور معمول کی عدالتی کارروائی کا آغاز ہو گیا۔عدالت کے تمام ججز چھٹیوں سے واپس آ گئے ۔

(جاری ہے)

ذرائع کے مطابق جسٹس بابر ستار اور جسٹس سردار اعجاز اسحاق خان پر مشتمل ڈویژن بنچ کی کاز لسٹ آویزاں کر دی گئی، دونوں ججز کے سنگل بنچز ختم کر دیئے گئے ہیں اور ان کی جگہ ٹیکس ریفرنسز کی سماعت کے لیے خصوصی ڈویژن بنچ تشکیل دیا گیا ہے۔واضح رہے کہ اسلام آباد ہائیکورٹ میں یکم جولائی سے 31 اگست تک دو ماہ کی عدالتی تعطیلات رہی تھیں اس دوران صرف ہنگامی نوعیت کے کیسز کی ہی سماعت کی گئی۔