Live Updates

وزیرہاسنگ و اربن ڈویلپمنٹ بلال یاسین کا ننکانہ کے سیلابی علاقوں کا دورہ

پیر 1 ستمبر 2025 19:16

ننکانہ صاحب(اُردو پوائنٹ اخبارتازہ ترین - این این آئی۔ 01 ستمبر2025ء)وزیر اعلی پنجاب مریم نواز شریف کی ہدایت پر صوبائی وزیر ہاوسنگ و اربن ڈویلپمنٹ بلال یاسین کا ننکانہ کے سیلابی علاقوں کا دورہ ، صوبائی وزیر نے ہفت مدر ، جگ دا کوٹ ، جانی دا ٹھٹھہ ، گنیش پور ، 3 چک پنجناں، متھرا پور ، مادھوداس سمیت دیگر سیلاب سے متاثرہ علاقوں کا دورہ کیا۔وزیر ہاسنگ بلال یاسین اور ضلعی سربراہان نے متاثرین سیلاب کے ساتھ کھانا بھی کھایا۔

ڈپٹی کمشنر محمد تسلیم اختر را نے صوبائی وزیر کو سیلابی صورتحال اور جاری ریلیف سرگرمیوں بارے بریفنگ دیتے ہوئے بتایا کہ ضلع ننکانہ صاحب میں 6 امدادی ٹیموں نے 5 ہزار سے زائد سیلاب میں پھنسے افراد جبکہ 15 ہزار سے زائد جانوروں کو بھی محفوظ مقامات پر پہنچایا گیا۔

(جاری ہے)

ریسکیو آپریشن مکمل ہو چکا ، ریلیف آپریشن تیزی سے جاری ہے۔ڈی سی ننکانہ نے بتایا کہ سیلاب سے متاثرہ علاقوں میں 09 ریلیف کیمپس قائم ، 09 خیمہ بستیاں قائم کی گئی ہیں۔

ریلیف آپریشن میں 02 ہزار سے زائد افسران و اہلکاران ریلیف سرگرمیوں کا حصہ ہیں۔صوبائی وزیر بلال یسین نے سیلاب متاثرین کے لیے کیے جانے والے انتظامات و سہولیات پر اطمینان کا اظہار کیا۔صوبائی وزیر اور ضلعی سربراہان نے سیلاب متاثرین میں کھانا ، پانی اور جانوروں کے لیے ونڈا بھی تقسیم کیا۔صوبائی وزیر بلال یسین نے گفتگو کرتے ہوئے کہا کہ دریائے راوی ہیڈ بلوکی کے مقام پر پانی کی آمد میں کمی آئی ، خطرہ موجود ہے۔

ضلع میں 50 فوڈ ڈسٹریبیوشن کیمپ سے متاثرین کو خوراک کی فراہمی یقینی بنائی جا رہی ہے۔انہوں نے کہا کہ ننکانہ صاحب میں بروقت اقدامات سے کوئی جان نقصان نہیں ہوا۔وزیر اعلی پنجاب کی ہدایت پر امدادی سرگرمیوں میں تیزی لائی گئی ہے ، حکومتی مشینری کو سیلاب زدہ علاقوں میں نقصانات کا جائزہ لینے کے احکامات جاری کیے جاچکے ہیں۔صوبائی وزیر ہاوسنگ نے مزید کہا کہ کسی بھی فرد کو تنہا نہیں چھوڑیں گے ، ریاستی ذمہ داری کا پوری طرح ادراک ہے۔