اسٹیج، ٹی وی اور فلم کے معروف اداکار انورعلی انتقال کر گئے

نامور اداکار انور علی پھیپھڑوں اور گردوں کے عارضے میں مبتلا تھے

پیر 1 ستمبر 2025 18:27

لاہور(اُردو پوائنٹ اخبارتازہ ترین - این این آئی۔ 01 ستمبر2025ء)اسٹیج، ٹی وی اور فلم کے معروف اداکار انور علی انتقال کر گئے ۔نامور اداکار انور علی پھیپھڑوں اور گردوں کے عارضے میں مبتلا تھے، جبکہ انہیں فالج اور دل کے مسائل بھی لاحق تھے ،انور علی کو طبیعت خراب ہونے پر رائیونڈ روڈ ہسپتال میں داخل کرایا گیا تھا جہاں وہ 65برس کی عمر میں اپنے خالق حقیقی سے جا ملے ۔

(جاری ہے)

اداکار کے بیٹے نے بتایا کہ انور علی گزشتہ کئی ماہ سے مختلف طبی مسائل کا شکار تھے، تاہم حالیہ دنوں میں ان کی صحت کا بگڑنا اہل خانہ کے لیے تشویش کا باعث بنا۔ابابیل، ہوم سویٹ ہوم اور اندھیرا اجالا سمیت انور علی کے درجنوں ٹی وی ڈراموں نے عوام میں خاصی مقبولیت حاصل کی۔ انہوںنے کافی عرصہ پہلے شوبز کو خیرباد کہہ دیا تھا اور ان کا رجحان مکمل طور پر مذہب کی طرف ہوچکا تھا۔