شارجہ،سہ ملکی سیریز میں شائقین کیلئے نیا پروٹوکول جاری

شائقین اپنی ٹیم کی حمایت کریں، مخالف ٹیم کے خلاف نعرے یا اشارے نہ کریں، حکام

پیر 1 ستمبر 2025 22:57

شارجہ (اُردو پوائنٹ اخبارتازہ ترین - این این آئی۔ 01 ستمبر2025ء)شارجہ میں جاری سہ ملکی سیریز میں یو اے ای حکام نے شائقین کے لیے نیا پروٹوکول جاری کردیا۔حکام کے مطابق شائقین اپنی ٹیم کی حمایت کریں، مخالف ٹیم کے خلاف نعرے یا اشارے نہ کریں۔

(جاری ہے)

متحدہ عرب امارات کے حکام نے ہدایت کی کہ شائقین اپنی نشستوں پر رہیں، دوسرے اسٹینڈ میں جانے سے گریز کریں، مخالف ٹیم کے شائقین کے قریب جا کر نعرے یا نامناسب اشارے کرنے سے بھی پرہیز کریں۔انہوں نے کہا کہ کھیل کے دوران بھاگ دوڑ اور بے نظمی سے بچیں، اماراتی قوانین کا احترام کریں اور کھیل کی روح برقرار رکھیں۔