پنجاب بھر کے سرکاری اسکولوں کے لیے نئے اوقاتِ کار جاری

پیر 1 ستمبر 2025 22:21

لاہور(اُردو پوائنٹ اخبارتازہ ترین - آن لائن۔ 01 ستمبر2025ء)پنجاب بھر کے سرکاری اسکولوں کے لیے نئے اوقاتِ کار کا نوٹیفکیشن جاری کر دیا گیا ہے۔ نوٹیفکیشن کے مطابق عام سرکاری اسکول صبح 8 بجے کھلیں گے اور دوپہر ڈیڑھ بجے بند ہوں گے، جبکہ جمعہ کو چھٹی کا وقت دوپہر 12 بجے ہوگا۔

(جاری ہے)

سکینڈ شفٹ اسکول دوپہر 2 بجے شروع ہوں گے اور ساڑھے 5 بجے بند ہوں گے، جبکہ ڈبل شفٹ اسکول جمعہ کو ساڑھے 2 بجے شروع ہوں گے۔ ڈسٹرکٹ ایجوکیشن اتھارٹی نے نئے اوقاتِ کار کی پابندی کو یقینی بنانے کے لیے نوٹیفکیشن جاری کیا ہے۔