ش*محکمہ صحت کے درجہ چہارم ملازمین نے تحفظ ملازمت کیلئے عدالت سے رجوع کر لیا

پیر 1 ستمبر 2025 20:20

ٌلاہور(اُردو پوائنٹ اخبارتازہ ترین - آن لائن۔ 01 ستمبر2025ء)محکمہ صحت کے درجہ چہارم کے ملازمین کی ممکنہ برطرفی کے معاملے پر متعلقہ ملازمین نے ملازمت کے تحفظ کے لیے ہائیکورٹ سے رجوع کر لیا ہے۔ عدالت نے درخواست کے قابل سماعت ہونے کے بارے میں فیصلہ محفوظ کر لیا ہے۔جسٹس شمس محمود مرزا نے محمد تجمل سمیت دیگر ملازمین کی درخواست پر سماعت کی۔ درخواستگزاروں کے وکیل نے عدالت کو آگاہ کیا کہ وہ محکمہ صحت خوشاب میں درجہ چہارم کی پوسٹ پر بھرتی ہوئے تھے۔

(جاری ہے)

ناکام امیدواروں نے بھرتی نہ ہونے پر صوبائی محتسب کو درخواست دی، جس پر صوبائی محتسب نے درخواست گزاروں کا مؤقف سنے بغیر بھرتی منسوخ کرنے کا فیصلہ سنا دیا۔درخواست میں مؤقف اختیار کیا گیا کہ صوبائی محتسب کا بھرتی منسوخ کرنے کا فیصلہ حقائق اور قانون کے منافی ہے، اور اس بنیاد پر محکمہ صحت کے افسران ملازمین کو برطرف کرنے کے اقدامات کر رہے ہیں۔ درخواستگزاروں نے استدعا کی کہ عدالت صوبائی محتسب کے فیصلے کو کالعدم قرار دے اور محکمہ صحت کو انہیں برطرف کرنے سے روکی