پنجاب کی جیلوں میں ایڈز میں مبتلا 673 قیدی موجود، راولپنڈی سر فہرست

منگل 2 ستمبر 2025 16:41

لاہور /راولپنڈی (اُردو پوائنٹ اخبارتازہ ترین - این این آئی۔ 02 ستمبر2025ء)پنجاب کی جیلوں میں ایڈز میں مبتلا 673 قیدی موجود ہیں،، سب سے زیادہ 143 ایڈز کے مریض سنٹرل جیل راولپنڈی میں موجود ہیں۔

(جاری ہے)

میڈیا رپورٹ کے مطابق ترجمان محکمہ داخلہ نے بتایا کہ ڈسٹرکٹ جیل لاہور میں ایڈز کے مرض میں مبتلا 83 قیدی موجود ہیں، جیلوں میں قیام کے دوران کسی قیدی کو ایڈز نہیں ہوا، مریضوں کی اکثریت منشیات کے مقدمات میں جیل آئی۔انہوں نے بتایا کہ اسکریننگ کی بدولت بہت سے مریضوں کو مرض کا علم ہوا، جیل داخلے کے وقت اسکریننگ سے مرض کی تشخیص ہوئی۔ترجمان کے مطابق پنجاب کی جیلوں میں ایڈز کے تمام 673 مریضوں کا علاج جاری ہے، مریضوں کو الگ مختص کردہ بیرکس میں رکھا جاتا ہے۔