صدر آصف علی زرداری کی وفاقی کانسٹیبلری ہیڈکوارٹر پر بھارتی حمایت یافتہ خوارج کے دہشت گرد حملے کی شدید مذمت

بدھ 3 ستمبر 2025 00:00

اسلام آباد (اُردو پوائنٹ اخبارتازہ ترین - اے پی پی۔ 03 ستمبر2025ء) صدر آصف علی زرداری نے بنوں میں وفاقی کانسٹیبلری ہیڈکوارٹر پر بھارتی حمایت یافتہ خوارج کے دہشت گرد حملے کی شدید مذمت کرتے ہوئے فتنہ الخوارج دہشت گردوں کے ناپاک عزائم کو ناکام بنانے والے شہداء کو خراجِ عقیدت پیش کیا ہے۔

(جاری ہے)

ایوان صدر کے پریس ونگ سے جاری بیان کے مطابق صدر مملکت نے شہداء کے بلند درجات اور زخمی شہریوں کی صحت یابی کے لیے دعا کی۔ صدر آصف علی زرداری نے کہا کہ قوم اپنے بہادر سپاہیوں اور شہریوں کی قربانیوں کو سلام پیش کرتی ہے۔