پنجاب یونیورسٹی اوریو ایم ٹی کے درمیان معاہدہ

بدھ 3 ستمبر 2025 20:11

لاہور(اُردو پوائنٹ اخبارتازہ ترین - این این آئی۔ 03 ستمبر2025ء)پنجاب یونیورسٹی اور یونیورسٹی آف مینجمنٹ اینڈ ٹیکنالوجی نے تعلیمی فضیلت اور معاشرتی بھلائی کے لیے مفاہمت کی یادداشت پر دستخط کیے جس کی میزبانی پنجاب یونیورسٹی ڈیپارٹمنٹ آف سوشل ورک نے کی۔

(جاری ہے)

معاہدے پر وائس چانسلر پنجاب یونیورسٹی پروفیسر ڈاکٹر محمد علی، اور پروفیسر ڈاکٹر اصغر زیدی پرووسٹ یو ایم ٹی نے دستخط کئے جبکہ اس موقع پر پروفیسر ڈاکٹر عظمیٰ عاشق، چیئرپرسن ڈیپارٹمنٹ آف سوشل ورک اور دیگر فیکلٹی ممبران بھی موجود تھے۔

یہ شراکت داری مشترکہ تحقیق، فیکلٹی اور طلباء کے تبادلے، سیمینارز اور کانفرنسوں، اور پائیدار ترقی کے اہداف (SDGs) کے ساتھ منسلک معاشرتی منصوبوں پر مرکوز ہے۔ پروفیسر ڈاکٹر محمد علی نے سماجی چیلنجوں سے نمٹنے کے لیے پبلک پرائیویٹ پارٹنرشپ کے کردار پر زور دیا، جبکہ پروفیسر ڈاکٹر اصغر زیدی نے جدت اور سماجی اثرات کے لیے دونوں اداروں کے مشترکہ وژن پر روشنی ڈالی۔ شعبہ سوشل ورک اس تعاون کے موثر نفاذ کو یقینی بنانے کے لیے مرکزی نقطہ کے طور پر کام کرے گا۔

Facebook Twitter Google + Share on Whatsapp

پنجاب یونیورسٹی اوریو ایم ٹی کے درمیان معاہدہ

متعلقہ عنوان :

مزید تعلیم کی خبریں