بھارت،سرکاری اسپتال میں 2 نومولود کو چوہے نیکاٹ لیا

بدھ 3 ستمبر 2025 19:25

نئی دہلی (اُردو پوائنٹ اخبارتازہ ترین - این این آئی۔ 03 ستمبر2025ء)بھارت کے سرکاری ہسپتال میں چوہے نے 2 نومولود کو کاٹ لیا۔بھارتی میڈیا کے مطابق یہ واقعہ ریاست مدھیہ پردیش کے شہر اندور میں پیش ا?یا جہاں ایک بڑے سرکاری اسپتال میں چوہے نے 2 نومولود کو کاٹ لیا۔میڈیا رپورٹس میں بتایا گیا کہ بچے کمزور ہونے کی وجہ سے انتہائی نگہداشت وارڈ میں موجود تھے جہاں چوہے نے نومولود کے ہاتھ کی انگلی اور کندھے پر کاٹا۔

(جاری ہے)

انتظامیہ کے مطابق نومولود بچی کا وزن 1.2 کلوگرام تھا جو نمونیا کی وجہ سے ہسپتال میں موجود تھی جب کہ دوسرا بچہ 1.6 کلو گرام تھا جو وینٹی لیٹر پر موجود تھا۔انتظامیہ کے مطابق دونوں نومولود کو چوہے نے کاٹا تاہم بچی کی موت چوہے کے کاٹنے کے سبب نہیں ہوئی۔انتظامیہ کے مطابق سیوریج کی لائن ٹوٹنے اور اسپتال کے اردگرد بارش کا پانی جمع ہونے کی وجہ سے چوہا اسپتال میں 4 یا 5 روز سے دکھائی دے رہا تھا۔بھارتی میڈیا کے مطابق واقعے پر ایکشن لیتے ہوئے وارڈ کی 2 نرسوں کو معطل کردیا گیا ہے۔