فیسکو کی کھلی کچہریاں جاری، صارفین بجلی کے مسائل کو فوری حل کیا جارہا ہے، ترجمان فیسکوسعید رضا

جمعرات 4 ستمبر 2025 14:02

فیصل آباد (اُردو پوائنٹ اخبارتازہ ترین - اے پی پی۔ 04 ستمبر2025ء) وفاقی وزیر توانائی اویس لغاری اور چیف ایگزیکٹو فیسکو انجینئرمحمد عامر کی خصوصی ہدایات کی روشنی میں فیسکو ریجن میں صارفین بجلی کے مسائل فوری طور پر ان کی دہلیز پر حل کرنے کیلئے دن گیارہ بجے سے دوپہر ایک بجے تک کھلی کچہریوں کے انعقاد کا سلسلہ جاری ہے اور کھلی کچہریوں میں فیسکو کے اعلیٰ افسران بھی عوام الناس کے بجلی سے متعلقہ مسائل کے حل کیلئے شرکت کر رہے ہیں تاکہ عوام کے مسائل کو باآسانی اور وقت پر مروجہ قونین کے تحت اورمیرٹ پر حل کیا جا سکے جبکہ صارفین بجلی کی جانب سے فیسکو کو اس اقدام کو بے حد سراہا جا رہا ہے۔

ترجمان فیسکوسعید رضانے بتایا کہ فیسکو انتظامیہ نے صارفین سے اپیل کی ہے کہ وہ کھلی کچہریوں میں بھرپورشرکت کریں اور اپنے بجلی سے متعلقہ مسائل کا فوری ازالہ ممکن بنائیں۔

(جاری ہے)

انہوں نے بتایا کہ گزشتہ روز فیسکو ریجن کے تمام148 سب ڈویژنوں میں کھلی کچہریوں میں عوام الناس کی طرف سے اووربلنگ، خراب میٹروں کی تبدیلی، بجلی کے انقطاع، خراب ٹرانسفارمرز اور نیو کنکشنز کی کل424شکایات موصول ہوئیں جن کا فوری ازالہ کر دیا گیا۔

انہوں نے بتایا کہ فیسکو فرسٹ سرکل میں کل139شکایات میں سے139کا ازالہ کیا گیاان میں خراب میٹرز کی2، سپلائی بندش کی57، نیو کنکشن 7اور دیگر 73شکایات موصول ہوئیں۔ اسی طرح سیکنڈ سرکل میں 54شکایات کا ازالہ کیا گیا ان شکایات میں خراب میٹرز کی1، سپلائی بندش کی31،نیو کنکشن 4اور دیگر18شکایات موصول ہوئیں۔ جھنگ سرکل میں 30میں سے30شکایات کاازالہ کیا گیاان میں خراب میٹرز کی7، سپلائی بندش کی11اور دیگر12شکایات موصول ہوئیں۔

سرگودھا سرکل میں 42 شکایات کا ازالہ کیا گیا جن میں سپلائی بندش کی19اور دیگر23شکایات موصول ہوئیں۔انہوں نے بتایا کہ میانوالی سرکل میں 61میں سے61شکایات کا ازالہ کیا گیا جن میں خراب میٹرز کی8، سپلائی بندش کی30،نیو کنکشن10اور دیگر13شکایات موصول ہوئیں جبکہ ٹوبہ ٹیک سنگھ سرکل میں موصول98شکایات کا فوری ازالہ کر دیا گیا ہے ان میں خراب میٹرز کی16، سپلائی بندش کی66، نیو کنکشن کی ایک اور دیگر15شکایات موصول ہوئیں۔

Facebook Twitter Google + Share on Whatsapp

فیسکو کی کھلی کچہریاں جاری، صارفین بجلی کے مسائل کو فوری حل کیا جارہا ہے، ترجمان فیسکوسعید رضا

متعلقہ عنوان :

مزید قومی خبریں