گورنر ہاؤس میں سولہویں روز بھی جشنِ عید میلادالنبی ﷺ کی روح پرور محفل۔ خواتین کی بھرپور شرکت

جمعہ 12 ستمبر 2025 22:05

کراچی (اُردو پوائنٹ اخبارتازہ ترین - این این آئی۔ 12 ستمبر2025ء) گورنر سندھ کامران خان ٹیسوری کی خصوصی ہدایت پر گورنر ہاؤس میں جشنِ عید میلادالنبی ﷺ کے سلسلے میں سولہویں روز بھی خواتین کے لیے ایک پرنور محفلِ میلاد کا انعقاد کیا گیا، جس میں خواتین کی بڑی تعداد نے بھرپور عقیدت و احترام کے ساتھ شرکت کی۔

(جاری ہے)

اس روحانی محفل میں معروف نعت خواں شگفتہ عمران نے بارگاہِ رسالت مآب ﷺ میں عقیدت کے پھول نچھاور کیے، جن کے نعتیہ کلام نے حاضرین پر روحانی کیفیت طاری کر دی۔ روح پرور محفل میں وطنِ عزیز پاکستان کی سلامتی، ترقی اور خوشحالی کے لیے خصوصی دعائیں بھی کی گئیں۔