Live Updates

سیالکوٹ چیمبر آف کامرس کا فارمیسی ایک انتہائی کامیاب منصوبہ اور تاجر برادری کے لیے ایک تحفہ ہے، صدر سیالکوٹ چیمبر آف کامرس اینڈ انڈسٹری

جمعرات 4 ستمبر 2025 16:24

سیالکوٹ (اُردو پوائنٹ اخبارتازہ ترین - اے پی پی۔ 04 ستمبر2025ء) صدر سیالکوٹ چیمبر آف کامرس اینڈ انڈسٹری اکرام الحق نے کہا ہے کہ سیالکوٹ چیمبر آف کامرس کا فارمیسی ایک انتہائی کامیاب منصوبہ ہے اور یہ اللہ تعالیٰ کی طرف سے سیالکوٹ کی تاجر برادری کے لیے ایک تحفہ ہے۔ جمعرات کو جاری کردہ اپنے ایک بیان میں انہوں نے کہا کہ سیالکوٹ چیمبر کی فارمیسی عام حالات میں بھی سارا سال 14 فیصد ڈسکاؤنٹ دیتی ہے۔

اس منصوبے میں زکوٰۃ اور نہ ہی کوئی ایسی رقم شامل ہے جو دوا لیتے وقت کسی کو پریشان کر سکے۔

(جاری ہے)

انہوں نے مزید کہا کہ یہ تاجر برادری کی جانب سے اپنے شہر کے لوگوں کی فلاح و بہبود کے لیے خالص سرمایہ کاری ہے۔ کوئی بھی شخص یہاں سے 14فیصد ڈسکاؤنٹ کے ساتھ دوا خرید سکتا ہے۔ انہوں نے مزید کہا کہ یہاں سے جتنی زیادہ دوائیں لوگوں کو ملیں گی یہ منصوبہ اتنا ہی کامیاب ہوگا اور لوگوں کے لیے اتنا ہی فائدہ مند ہوگا۔

انہون نے بتایا کہ سیالکوٹ چیمبر آف کامرس اینڈ انڈسٹری (ایس سی سی آئی)سیلاب سے متاثرہ خاندانوں کے لیے پاک فوج کو ادویات فراہم کررہاہے۔ یہ اقدام امدادی کوششوں کے ساتھ کھڑے ہونے اور فوری ضرورت مندوں تک بروقت طبی امداد کی فراہمی کو یقینی بنانے کے ایس سی سی آئی کے عزم کی عکاسی کرتا ہے۔