بھکر، 12ربیع الاول عید میلاد النبی کے موقع پر سیکورٹی پلان جاری کر دیا گیا ،پولیس ترجمان

جمعہ 5 ستمبر 2025 15:30

بھکر (اُردو پوائنٹ اخبارتازہ ترین - اے پی پی۔ 05 ستمبر2025ء) 12 ربیع الاول عید میلاد النبی کے موقع پر سیکیورٹی ڈیوٹی یقینی بنانے کیلئےسیکیورٹی پلان جاری کر دیا گیا۔ 900 سے زائد پولیس افسران و ملازمان کوڈیوٹی پر مامور کیا جارہا ہے۔ تفصیلات کے مطابق ملک بھر کی طرح بھکر میں بھی 12 ربیع الاول جشن ولادت خاتم المرسلین ﷺ انتہائی عقیدت و احترام کے ساتھ منایا جاتا ہے۔

اس حوالے سے ضلع بھر میں بمطابق شیڈول55 جلوس نکالے جاتے ہیں جن میں 3 جلوس کیٹگری۔اے شامل ہیں۔ محافل میلاد اور جلوسوں کی سیکیورٹی کیلئے ڈی پی او بھکر نے جامع سیکیورٹی پلان ترتیب دینے کے احکامات جاری کیے ہیں۔ اس ضمن میں باضابطہ سیکیورٹی پلان جاری کردیا گیا ہے۔ جس کے مطابق 900 سے زائد پولیس افسران و ملازمان کا بائی نیم ڈیوٹی پلان ترتیب دیا گیا ہے۔

(جاری ہے)

تمام مرکزی جلوسوں کے ساتھ متعلقہ ایس ڈی پی اوز اور متعلقہ تھانوں کے ایس ایچ اوزبھی تعینات ہوں گے۔ ایلیٹ پولیس فورس کے افسران و جوان بھی سیکیورٹی ڈیوٹی کا حصہ ہوں گے۔ جبکہ ٹریفک پولیس کی طرف سے علیحدہ پلان مرتب کیا گیا ہے جس کے مطابق 150 سے زائد ٹریفک وارڈنز و دیگر ٹریفک سٹاف کو ٹریفک ڈیوٹی پر تعینات کیا جارہا ہے تاکہ ٹریفک کی روانی متاثر نہ ہو اور عوام الناس کو نقل و حمل میں آسانی رہے۔پولیس ترجمان کے مطابق ضلعی سطح پر ڈی پی او آفس میں کنٹرول روم قائم کیا گیا ہے جس کے ذریعے تمام پروگراموں کو لمحہ نہ لمحہ مانیٹر کیا جائیگا۔\378