مصنوعی ذہانت کے ساتھ بچوں کی طرح پیش آئیں،میلانیاٹرمپ

امریکی عوام جدید ٹیکنالوجی کی بدولت ایک حیرت انگیز لمحہ گزار رہے ہیں،گفتگو

اتوار 7 ستمبر 2025 17:40

واشنگٹن (اُردو پوائنٹ اخبارتازہ ترین - این این آئی۔ 07 ستمبر2025ء)امریکی خاتونِ اول میلانیا ٹرمپ نے ٹیکنالوجی کے رہنمائوں پر زور دیا ہے کہ وہ اس کے نئے ماڈلوں سے ویسا ہی برتا کریں جیسے ہم اپنے بچوں سے کرتے ہیں۔ برطانوی اخبار کے مطابق مصنوعی ذہانت پر کام کرنے والی ٹیم کی ایک نشست میں، میلانیا ٹرمپ وائٹ ہائوس میں نمودار ہوئیں اور وزرا سمیت شرکا سے کہا کہ امریکی عوام جدید ٹیکنالوجی کی بدولت ایک حیرت انگیز لمحہ گزار رہے ہیں۔

(جاری ہے)

میلانیا ٹرمپ نے کہا کہ آج ہمارے شہروں میں گاڑیاں خود چل رہی ہیں، آپریشن تھیٹروں میں روبوٹ مستحکم ہاتھوں سے آلات سنبھال رہے ہیں، ڈرونز جنگ کے مستقبل کی نئی تعریف کر رہے ہیں۔ روبوٹکس کی پہلی نسل کی ایجادات، کارخانوں کی خود کار مشینری اور خودکار گاڑیاں سب نجی شعبے کی سرمایہ کاری کی بدولت سامنے آئی ہیں۔ ان تمام ترقیوں کی بنیاد مصنوعی ذہانت ہے۔انھوں نے مزید کہا کہ روبوٹس اب ہمارے درمیان موجود ہیں، اور ہمارا مستقبل اب کوئی سائنسی فکشن نہیں رہا ہے۔انھوں نے ماہرین کو اس ٹیکنالوجی کی رہنمائی ہوشیاری اور احتیاط سے کرنے کی ترغیب دی اور اس کی ترقی اور پھیلا کو ذمے داری کے ساتھ سنبھالنے پر زور دیا۔