راولپنڈی میں ڈینگی کے کیسز میں اضافہ،10 نئے مریض سامنے آگئے

اتوار 7 ستمبر 2025 19:35

راولپنڈی (اُردو پوائنٹ اخبارتازہ ترین - این این آئی۔ 07 ستمبر2025ء)راولپنڈی میں ڈینگی کے کیسز میں مزید اضافہ دیکھنے میں آیا ۔محکمہ صحت راولپنڈی کے مطابق راولپنڈی میں سال 2025 کے دوران 6132 مریض اسکرین ہوئے جن میں 215 مریضوں میں ڈینگی کی تصدیق ہوئی۔گزشتہ 24 گھنٹوں میں 10 نئے مریض سامنے آگئے ہیں اور اسپتالوں میں 49 مریض زیر علاج اور 25 تصدیق شدہ کیسز ہیں تاہم ضلع بھر میں اب تک ڈینگی سے کوئی موت رپورٹ نہیں ہوئی جبکہ 46 لاکھ سے زائد گھروں کی چیکنگ مکمل کرلی گئی ہے۔

(جاری ہے)

علاوہ ازیں 1 لاکھ 6 ہزار سے زائد گھروں میں لاروا برآمد ہوا ہے، 12 لاکھ سے زائد مقامات چیک اور 15 ہزار مثبت کیسز سامنے آئے ہیں، کٴْل ملا کے 1 لاکھ 21 ہزار 954 ڈینگی لاروا برآمد ہوئے ہی۔دوسری جانب ایس او پیز کی خلاف ورزی پر سخت کارروائیاں جاری ہیں۔ راولپنڈی میں 3471 ایف آئی آر درج، 1596 مقامات سیل، 3170 چالان اور جرمانے کی مدمیں 93 لاکھ 38 ہزار 507 روپے وصول کیے گئے ہیں۔ پوٹھوہار ٹاؤن میں جلالا، رحمت آباد، دھمیال، گنگال سے بھی کیسز رپورٹ ہوئے ہیں جبکہ راول ٹاؤن میں فارمان علی سے کیس رپورٹ ہوا ہے۔