ملک میں سیمنٹ کی ریٹل قیمت میں گزشتہ ہفتے کے دوران استحکام کا سلسلہ برقرار

پیر 8 ستمبر 2025 12:00

اسلام آباد (اُردو پوائنٹ اخبارتازہ ترین - اے پی پی۔ 08 ستمبر2025ء) ملک میں سیمنٹ کی ریٹل قیمت میں گزشتہ ہفتے کے دوران استحکام کا سلسلہ برقرار رہا ۔ ادارہ شماریات پاکستان کے اعدادوشمار کے مطابق 4 ستمبر کو ختم ہونے والے ہفتے میں ملک کے شمالی شہروں میں سیمنٹ کی فی فوری کی اوسط ریٹل قیمت 1391 روپے ریکارڈ کی گئی جو پیوستہ ہفتے کے مقابلے میں 0.14 فیصد کم ہے۔

پیوستہ ہفتے میں ملک کے شمالی شہروں میں سیمنٹ کی فی فوری کی اوسط ریٹل قیمت 1393 روپے ریکارڈ کی گئی تھی۔

(جاری ہے)

اسی طرح 4 ستمبر کو ختم ہونے والے ہفتے میں ملک کے جنوبی شہروں میں سیمنٹ کی فی فوری کی اوسط ریٹل قیمت 1443 روپے ریکارڈ کی گئی ۔ پیوستہ ہفتے میں بھی ملک کے جنوبی شہروں میں سیمنٹ کی فی فوری کی اوسط ریٹل قیمت 1443 روپے ریکارڈ کی گئی تھی۔ اعدادوشمار کے مطابق گزشتہ ہفتے کے دوران اسلام آباد میں سیمنٹ کی فی فوری کی اوسط ریٹل قیمت 1367 ، راولپنڈی 1372، گجرانوالہ 1440، سیالکوٹ 1410، لاہور 1443، فیصل آباد 1380، سرگودھا 1363 ، ملتان 1422، بہاولپور 1450 ، پشاور 1350، بنوں 1300 ، کراچی 1367، حیدرآباد 1427، سکھر 1465، لاڑکانہ 1407، کوئٹہ 1510 اور خضدار میں سیمنٹ کی فی فوری کی اوسط ریٹل قیمت 1483 روپے ریکارڈ کی گئی ۔