Live Updates

سمبڑیال میں سیلاب سے متاثرین میں مال مویشیوں کے لیے چارہ اور ونڈا تقسیم کیا جا رہا ہے، ڈاكٹرمحمد افضل

پیر 8 ستمبر 2025 13:38

سمبڑیال (اُردو پوائنٹ اخبارتازہ ترین - اے پی پی۔ 08 ستمبر2025ء) وزیر اعلی پنجاب مریم نواز شریف کی خصوصی ہدایت پر تحصیل سمبڑیال میں سیلاب سے متاثرہ دیہاتوں میں مال مویشیوں کے لیے چارہ اور ونڈا تقسیم کیا جا رہا ہے۔ان خیالات کا اظہار انہوں نے آج پیر کو قومی خبررساں ادارے اے پی پی سے گفتگو کرتے ہوئے کیا۔

(جاری ہے)

انہوں نے کہا کہ وزیر اعلی پنجاب مریم نواز شریف کی خصوصی ہدایت پر تحصیل سمبڑیال میں اسسٹنٹ کمشنر سمبڑیال غلام فاطمہ کی زیر نگرانی سیلاب سے متاثرہ دیہاتوں میں مال مویشیوں کے لیے چارہ اور ونڈا تقسیم کیا جا رہا ہے۔

انہوں نے کہا کہ اسسٹنٹ کمشنر اور محکمہ لائیو اسٹاک کے افسران متاثرین میں چارے اور ونڈے کی تقسیم کی نگرانی کررہے ہیں۔انہوں نے کہا ہے کہ سیلاب کی تباہ کاریوں کے بعد جانوروں کے کھانے پینے کا بھی خاص خیال رکھا جا رہا ہے تاکہ کسانوں کو معاشی مشکلات سے بچایا جا سکے اور دیہات کی معیشت کو سہارا مل سکے ۔انہوں نے کہا کہ وزیراعلیٰ پنجاب کی ہدایات کے مطابق خدمت اور ریلیف کا یہ عمل دن رات بلا تعطل جاری ہے۔