رحیم یارخان ،صوبہ کے باہر گندم لے جانے والوں کے خلاف سخت قانونی کارروائی عمل میں لائی جائے گی،ڈی پی او

رحیم یارخان (اُردو پوائنٹ اخبارتازہ ترین - اے پی پی۔ 08 ستمبر2025ء) ڈی پی او عرفان علی سموں نے کہا ہے کہ ٹرانسپورٹرز اور انجمن تاجران غلہ منڈی گندم کی نقل و حرکت پر عائد پابندی کو ہر صورت یقینی بنائیں، صوبہ سے باہر گندم بھجوانے اور لےجانے والوں کے خلاف قانونی کارروائی عمل میں لائی جائے گی اگر کوئی اس میں ملوث ہو تو پولیس کو اطلاع دیں۔ ان خیالات کا اظہار انہوں نے ایس پی انویسٹی گیشن شاہد نذیر، ڈی ایس پی ٹریفک پولیس محمد ساجد اور انسپکٹر ہیڈ کوآرٹر ٹریفک پولیس شاہد عمران سنگھیڑا کے ہمراہ سینئر وائس پریزیڈنٹ چیمبر آف کامرس لیاقت پور امتیاز علی راجہ، صدر غلہ منڈی لیاقت پور عرفان حبیب، جوائنٹ سیکرٹری غلہ منڈی خالد محمود، منیجر منٹھار اے سی کوچز صادق آباد محمد جمیل، صدر غلہ منڈی صادق آباد چوہدری خلیل احمد، جنرل سیکرٹری غلہ منڈی صادق آباد محمد عرفان، چئیر مین نیلام کمیٹی غلہ منڈی صادق آباد شاہد مختیار، ضلعی صدر پنجاب گڈز ٹرانسپورٹ محمد سلیمان خان،چئیرمین پنجاب گڈز ملک عبد السلام، جنرل سیکر ٹری آرائیں برادرز گڈز حاجی عبد العزیز، ضلعی نائب صدر ملک اشرف، صدر غلہ منڈی خان پور زاہد حسین، جنرل سیکرٹری غلہ منڈی خان پور محمد احمد سبحانی، اسسٹنٹ منیجر فیصل مورز علی محمد درانی، جیوے خان پور گڈز لیاقت پور کے ذوالفقار علی خان، آرائیں گڈز لیا قت پور کے ملک احتشام الحق، غلہ منڈی لیاقت پور کے علی ضیاء، نیو ملک گڈز کے محمد سلیم، آرائیں ٹرانسپورٹ اور مکہ کوچز کے منیجر وقار رفیق، صدر آڑھتی غلہ منڈی رحیم یارخان نعمان مقصود، جنرل سیکرٹری غلہ منڈی رحیم یارخان محمد جاوید اختر، صدر غلہ منڈی صادق آباد خلیل احمد، صدر غلہ منڈی خان پور زاہد قادری، جنرل سیکرٹری غلہ منڈی خان پور احمد سبحان، صدر غلہ منڈی لیاقت پور عرفان حبیب،جنرل سیکرٹری غلہ منڈی لیاقت پور محمد خالق رزاق، منیجر المکہ گڈز محمد عمران، وڑائچ ایکسپریس کے محمد زبیر انور سے منعقدہ میٹنگ سے خطاب کرتے ہوئے کیا۔

(جاری ہے)

انہوں کہا حکومت پنجاب نے گندم کی بین الاصوبائی نقل حرکت پر پابندی عائد کر رکھی ہے جس کی پابندی ہر صورت یقینی بنائی جائے گی آپ لوگ قانونی کی پاسداری کرتے ہوئے پابندی کو ملحوظ خاطر رکھیں اور اس قسم کی کسی سر گرمی کا حصہ نہ بنیں ،اور اگر آپ دیکھیں کہ کوئی شخص گندم کو کسی دوسرے صوبے میں لے جانے کی کوشش کر رہا ہے تو پولیس اور متعلقہ اداروں کو فوری آگاہ کریں اس کے خلاف قانونی کارروائی عمل میں لائی جائے گی، جس پر میٹنگ میں شامل ٹرانسپورٹرز اور تاجران نے اس سلسلہ میں اپنے بھر پور تعاون کا یقین دلایا۔\378