سکھر میں بارش کے دوران مختلف حادثات میں بچوں سمیت 4 افراد جاں بحق، دو افراد زخمی

پیر 8 ستمبر 2025 23:26

سکھر (اُردو پوائنٹ اخبارتازہ ترین - این این آئی۔ 08 ستمبر2025ء)سکھر میں بارش کے دوران دو مختلف حادثات میں 2 بچوں سمیت 4 افراد جاں بحق اور دو افراد زخمی ہو گئے۔

(جاری ہے)

پولیس کے مطابق روہڑی میں گھر کی دیوار گرنے سے 2 بچوں سمیت 3 افراد جاں بحق اور دو افراد زخمی ہوئے جبکہ ریلوے آفیسر کلب کے قریب امام بارگاہ کی چھت گرنے مؤذن جاں بحق ہوا۔یاد رہے کہ محکمہ موسمیات نے 11 ستمبر تک سندھ کے مختلف حصوں میں شدید بارش کی پیشگوئی کر رکھی ہے جس کے تحت گزشتہ روز حیدر آباد، سجاول، ٹھٹہ، سکھر، اوباڑو، ڈہرکی، میرپور ماتھیلو اور نوشہرو فیروز سمیت مختلف شہروں میں تیز بارش ہوئی۔سکھر میں گزشتہ روز ہونے والی طوفانی بارش سے مرکزی شاہرائیں پانی میں ڈوب گئی ہیں ۔