بنوں حملے میں شہید ہونے والے میجرعدنان سے متعلق سابق جنرل آصف غفور کا ٹوئٹ وائرل

منگل 9 ستمبر 2025 21:25

بنوں (اُردو پوائنٹ اخبارتازہ ترین - این این آئی۔ 09 ستمبر2025ء)سابق ڈی جی آئی ایس پی آر اور کور کمانڈر کوئٹہ لیفٹننٹ جنرل ریٹائرڈ آصف غفور کی بنوں حملے میں شہید ہونے والے نوجوان میجر عدنان اسلم سے متعلق ٹوئٹ وائرل ہوگئی۔

(جاری ہے)

لیفٹیننٹ جنرل ریٹائرڈ آصف غفور نے ایکس پر اپنی پوسٹ میں لکھا کہ میجر عدنان شہید نے مجھ سے آخری ملاقات میں پاکستان آرمی اسپیشل سروس گروپ (ایس ایس جی) میں شمولیت کے لیے مشورہ مانگا تھا۔

سابق ڈی جی آئی ایس پی آر کے مطابق میجر عدنان شہید کے جذبے کی چمک اٴْس کی آنکھوں میں الفاظ سے کہیں زیادہ دکھائی دے رہی تھی اور اٴْس نے اپنی ہر جھلک کو سچ کر دکھایا۔لیفٹیننٹ جنرل ریٹائرڈ آصف غفور نے کہا کہ ایک بہادر سپاہی، جو اپنے جذبے اور ہماری دلیر ایس ایس جی کی روح کے عین مطابق رہا، اللہ آپ کی روح پر اپنی رحمت نازل فرمائے۔