’’جھانجر دی پاواں چھنکار ‘‘

گاڑی میں اونچی آواز میں نور جہاں کا گانا سننے کا شوق شہری کو حوالات لے گیا،عدالت نے رہا کر دیا

بدھ 10 ستمبر 2025 20:15

لاہور(اُردو پوائنٹ اخبارتازہ ترین - این این آئی۔ 10 ستمبر2025ء)اونچی آواز میں ملکہ ترنم نورجہاں کا گانا سننے کے شوقین شہری کو ایک رات کے لیے حوالات کی ہوا کھانا پڑ گئی۔ یہ گرفتاری گزشتہ شام لاہور کے علاقے نواب ٹائون میں ہوئی جہاں دانش نامی شہری اپنی گاڑی میں اونچی آواز میں مشہور پنجابی گانا ’’جھانجر دی پاواں چھنکار ‘‘سنتے ہوئے جا رہا تھا۔

(جاری ہے)

پولیس نے ناکے پر روکا اور اونچی آواز میں گانا سننے کی وجہ پوچھی تو دانش نے بتایا کہ نورجہاں کے گانیاونچی آواز میں سننے کا ہی مزا آتا ہے۔شہری کے جواب پر تھانہ نواب ٹائون پولیس نے اے ایس آئی رحمت علی کی مدعیت میں ایمپلی فائر ایکٹ کے تحت مقدمہ درج کرکے دانش کو حوالات میں بند کر دیا۔عدالت نے شہری کی ضمانت منظور کرتے ہوئے رہا کرنے کا حکم دیدیا۔