ًتوشہ خانہ ٹو کیس، بانی پی ٹی آئی اور بشریٰ بی بی کی اڈیالہ جیل سماعت منسوخ، نئی تاریخ آج مقرر ہوگی

ً آئندہ کارروائی جوڈیشل کمپلیکس میں ہوگی،ایف آئی اے عدالت نے وکیل خالد یوسف چوہدری کو آگاہ کر دیا

جمعرات 11 ستمبر 2025 20:25

]اسلام آباد(اُردو پوائنٹ اخبارتازہ ترین - آن لائن۔ 11 ستمبر2025ء)ایف آئی اے عدالت میں بانی پاکستان تحریک انصاف اور ان کی اہلیہ بشریٰ بی بی کے خلاف زیرِ سماعت توشہ خانہ ٹو کیس کی اڈیالہ جیل میں ہونے والی سماعت منسوخ کر دی گئی۔عدالتی ذرائع کے مطابق بانی پی ٹی آئی کے وکیل خالد یوسف چوہدری کو سماعت منسوخی سے آگاہ کر دیا گیا ہے۔

(جاری ہے)

قبل ازیں یہ فیصلہ کیا گیا تھا کہ کیس کی کارروائی اڈیالہ جیل میں ہی کی جائے گی، تاہم اب اس سماعت کو ملتوی کر دیا گیا ہے۔

ذرائع کا کہنا ہے کہ آئندہ سماعت کے حوالے سے بانی پی ٹی آئی کی قانونی ٹیم کو آج اسلام آباد کے جوڈیشل کمپلیکس میں آگاہ کیا جائے گا۔ اس موقع پر کیس کی نئی تاریخ بھی مقرر کی جائے گی۔واضح رہے کہ بانی پی ٹی آئی اور بشریٰ بی بی کے خلاف توشہ خانہ ریفرنس میں الزامات کی سماعت جاری ہے اور عدالت نے کیس کو آئندہ کارروائی کے لیے مقرر کر رکھا تھا۔ تاہم سماعت ملتوی ہونے کے بعد کیس کی پیش رفت آئندہ تاریخ پر متوقع ہی