Live Updates

ملک کے بیشتر علاقوں میں موسم گرم اور خشک رہنے کا امکان ہے، محکمہ موسمیات

جمعہ 12 ستمبر 2025 22:06

اسلام آباد (اُردو پوائنٹ اخبارتازہ ترین - اے پی پی۔ 12 ستمبر2025ء) آئندہ 24 گھنٹوں کے دوران ملک کے بیشتر علاقوں میں موسم گرم اور خشک رہنے کا امکان ہے تاہم کشمیر اور ملحقہ پہاڑی علاقوں میں مطلع جزوی ابر آلود رہنے کے علاوہ شام/رات میں چند مقامات پر گرج چمک کے ساتھ بارش کی توقع ہے۔سیلاب سے متاثرہ پنجاب کے بیشتر اضلاع میں آئندہ چند روز کے دوران موسم گرم اورخشک رہے گا۔

(جاری ہے)

محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم گرم اور خشک رہاتاہم ٹھٹھہ اور لسبیلہ میں ہلکی بارش ہو ئی۔ سب سے زیادہ بارش سندھ میں ٹھٹھہ 04 اور بلوچستان میں لسبیلہ میں 2 ملی میٹر بارش ریکارڈ کی گئی۔جمعہ کو ریکارڈ کئے گئے زیادہ سےزیادہ درجہ حرارت نوکنڈی ،دالبندین 42،چلاس41 اور بونجی میں 40ڈگری سینٹی گریڈ ریکارڈ کیا گیا۔