پولیس کے چھاپے،گزشتہ24 گھنٹوں کے دوران 136 منشیات فروش گرفتار،منشیات برآمد

جمعہ 12 ستمبر 2025 23:30

لاہور (اُردو پوائنٹ اخبارتازہ ترین - اے پی پی۔ 12 ستمبر2025ء) آئی جی پولیس ڈاکٹر عثمان انور کی ہدایت پر ڈرگ فری پنجاب ویژن کی تکمیل میں پنجاب پولیس کے صوبہ بھر میں انسداد منشیات آپریشنز جاری ہیں۔

(جاری ہے)

ترجمان پنجاب پولیس نے تفصیلات بتاتے ہوئے کہا کہ گزشتہ 24 گھنٹوں کے دوران منشیات فروشوں کے ٹھکانوں پر 245 چھاپے اور136 منشیات فروشوں کو گرفتار کیا گیا جبکہ منشیات فروشوں کے قبضہ سے 83 کلو گرام چرس، 9 کلو گرام آئس،6 کلو گرام ہیروئن اور 1118 لیٹر شراب بھی برآمد کی گئی۔

انہوں نے کہاکہ آئی جی پنجاب نے ہدایت کی ہے کہ منشیات ڈیلرزوسمگلرز کے خلاف سپیشل آپریشنز مزید تیز اور منشیات کی سپلائی چین میں ملوث تمام ملزمان کو قانون کی گرفت میں لا کرانہیں سخت سزائیں دلوائی جائیں۔آئی جی پنجاب نے مزید کہا کہ تعلیمی اداروں اور ہاسٹلز کے گردونواح میں منشیات فروشی میں ملوث افراد کے خلاف کارروائیوں میں تیزی لائی جائے تاکہ نوجوان نسل کو منشیات کے ناسور سے محفوظ رکھا جاسکے۔