اے این ایف کا ملک کے مختلف شہروں میں منشیات سمگلنگ کے خلاف کریک ڈاؤن

ہفتہ 13 ستمبر 2025 11:10

اسلام آباد (اُردو پوائنٹ اخبارتازہ ترین - اے پی پی۔ 13 ستمبر2025ء) اینٹی نارکوٹکس فورس نےملک کے مختلف شہروں میں منشیات سمگلنگ کے خلاف کریک ڈاؤن کرتے ہوئے کارروائیوں میں 4کروڈ 80لاکھ روپے سے زائد مالیت کی 210 کلوگرام منشیات برآمد کرکے 7 ملزمان کوگرفتار کر لیا۔

(جاری ہے)

ہفتہ کوترجمان اے این ایف کی جانب سے جاری بیان کے مطابق سبزی منڈی کراچی کے قریب ٹرک سے 60 کلو چرس اور 13 کلو آئس برآمد کرکے2ملزمان کو گرفتار کر لیا۔

برکی روڑ لاہور کے قریب موٹر سائیکل سوار 3 ملزمان سے 2.400 کلو چرس اور 1کلو ہیروئن برآمد کرلی۔سہراب گوٹھ کراچی میں 2مسافروں کے قبضے سے 2کلو ہیروئن اور 2 کلو آئس برآمد کرلی۔ تربت کے قریب گاڑی سے 104 کلو آئس اور ہزار گنجی کوئٹہ کے قریب 26 کلو آئس برآمد کر لی۔تمام کارروائیوں کا انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔