ماضی کی معروف اداکارہ شرمیلا ٹیگور نے 57 سال قبل اسلام قبول کرلیا تھا

ہفتہ 13 ستمبر 2025 14:35

ممبئی (اُردو پوائنٹ اخبارتازہ ترین - این این آئی۔ 13 ستمبر2025ء)ماضی کی بھارتی اداکارہ شرمیلا ٹیگور نے 57 سال قبل شادی کے وقت اسلام قبول کرکے اپنا نام عائشہ رکھ لیا تھا۔46 سالہ صاحبزادی سوہا علی خان نے حالیہ انٹرویو میں والدین کے مذہبی تعلق اور شادی کے بارے میں گفتگو کی۔

(جاری ہے)

نواب منصور علی خان عرف ٹائیگر پٹودی سے شرمیلا ٹیگور نے 1968ء میں شادی کی اور اسلام قبول کیا تھا، صاحبزادی نے بتایا کہ والدہ کہتی تھیں کہ اسلام قبول کرنے کا فیصلہ آسان نہیں تھا، اس عمل نے مجھے دونوں مذاہب کو سمجھنے میں گہرائی پیدا کی۔

شرمیلا ٹیگور نے بتایا تھا کہ ہمیشہ زندگی اپنی مرضی سے گزاری، فلمی دنیا میں قدم رکھا، پسند کی شادی کی، اٴْس وقت میری اور اہل خانہ کو مخالفت کی گئی اور جان سے مارنے کی دھمکی بھی موصول ہوئی۔سوہا علی خان نے کہا کہ والدہ نے بتایا تھا کہ نکاح کی تقریب بخیر و خوبی مکمل ہوئی تو دونوں خاندانوں نے رشتے کو قبول کرلیا، والدہ عائشہ کے نام سے دستخط کرتیں اور کبھی شرمیلا بھی لکھتی۔نواب منصور علی خان کا انتقال 2011ء میں ہوا، جوڑے کے بچوں کے نام سیف علی خان، سوہا علی خان اور صبا پٹوڈی ہیں۔