فلم کی ناکامی، انوشکا شیٹی کا سوشل میڈیا سے بریک لینے کا اعلان

ہفتہ 13 ستمبر 2025 14:35

نئی دہلی (اُردو پوائنٹ اخبارتازہ ترین - این این آئی۔ 13 ستمبر2025ء)جنوبی بھارت کی فلمی انڈسٹری سے تعلق رکھنے والی معروف فلم اسٹار انوشکا شیٹی نے سوشل میڈیا سے بریک لینے کا اعلان کیا ہے۔

(جاری ہے)

اپنے ایکس اکائونٹ پر تیلگو اور تامل فلموں کی 44 سالہ شہرت یافتہ اداکارہ نے بتایا کہ بس تھوڑا سا وقفہ لینے جا رہی ہوں تاکہ دنیا سے دوبارہ جڑ سکوں اور اسکرولنگ سے دور اپنے کام پر توجہ دے سکوں۔ ایک کاغذ پر تحریر اس پوسٹ میں انہوںنے کہا کہ نیلی روشنی کو موم بتی کی روشنی سے بدل رہی ہوں۔ سوشل میڈیا سے کچھ وقت کے لیے بریک لیا تاکہ دنیا سے دوبارہ رابط قائم کر سکوں جہاں سے ہم سب نے آغاز کیا تھا، آپ سب سے جلد دوبارہ جلد ملوں گی، نئی کہانیوں اور زیادہ محبت کے ساتھ۔ ہمیشہ مسکراتے رہیں۔