دیشا پٹانی کے گھر پر فائرنگ، حملہ آوروں کی اداکارہ کی بہن کو سبق سکھانے کی دھمکی

ہفتہ 13 ستمبر 2025 14:35

ممبئی (اُردو پوائنٹ اخبارتازہ ترین - این این آئی۔ 13 ستمبر2025ء)بالی ووڈ اداکارہ دیشا پٹانی کے گھر کے باہر فائرنگ کا واقعہ پیش آیا جس کی ذمہ داری روہت گودارا اور گولڈی برار گینگ نے قبول کرلی ہے، حملہ آوروں نے ان کی بہن کو سبق سکھانے کی دھمکی بھی دی۔بھارتی میڈیا کے مطابق اتر پردیش کے ضلع بریلی میں مشہور اداکارہ دیشا پٹانی کے گھر کے باہر ان کے والد پر فائرنگ کی گئی ہے، جس میں وہ محفوظ رہے۔

(جاری ہے)

گولڈی برار گروہ نے حملے کی ذمہ داری قبول کرتے ہوئے سوشل میڈیا پر بتایا کہ دیشا پٹانی کی بہن خوشبو پٹانی نے ان کے روحانی رہنماؤں کے بارے میں توہین آمیز بیان دیا تھا جس کی وجہ سے یہ حملہ کیا گیا ہے۔گروہ نے دھمکی دی کہ آئندہ ایسا کیا گیا تو بالکل بھی نہیں بخشا جائے گا۔دیشا اور ان کی بہن خوشبو کی جانب سے اس واقعے پر تاحال کوئی بیان جاری نہیں کیا گیاجبکہ اداکارہ کی بہن کا کہنا تھا کہ ان کے الفاظ کو سیاق و سباق سے ہٹ کر پھیلا گیا ہے۔