پنجاب فوڈ اتھارٹی کا بادامی باغ میں جعلی شہد بنانے والے یونٹ پر چھاپہ

لیٹر گلوکوز، 93لیٹر شہد، 80کلو چینی، 1من سے زائد شیرہ، سلنڈر وزن کانٹا اور ٹین ضبط ،مقدمہ درج

ہفتہ 13 ستمبر 2025 14:25

لاہور (اُردو پوائنٹ اخبارتازہ ترین - این این آئی۔ 13 ستمبر2025ء) ڈی جی فوڈ اتھارٹی کی ہدایت پر بادامی باغ میں جعلی شہد بنانے والے یونٹ پر چھاپہ مار کر 500لیٹر گلوکوز، 93لیٹر شہد، 80کلو چینی، 1من سے زائد شیرہ، سلنڈر وزن کانٹا اور ٹین ضبط کر کے مقدمہ درج کروادیا گیا۔

(جاری ہے)

ڈی جی فوڈ اتھارٹی عاصم جاوید نے بتایا کہ کھلے رنگوں اور کیمیکلز سے جعلی شہد تیار کیا جا رہا تھا،جعلی شہد میں چینی، گلوکوز سیرپ اور پھولوں کی پتیاں بھی شامل کی جا رہی تھیں، ویجیلینس ٹیم نے ریکی کر کے یونٹ کا پتہ لگایا۔

انہوں نے کہا کہ ناقص شہد کا استعمال انسانی صحت کیلئے انتہائی مضر ثابت ہوتا ہے، شہد میں کیمیکلز اور مصنوعی اجزا کی ملاوٹ گھنانا فعل ہے، خوراک میں ملاوٹ اور جعلسازی کے خلاف مسلسل کارروائیاں جاری ہیں۔ عوام سے گزارش ہے کہ صحت دشمن عناصر کے خلاف پنجاب فوڈ اتھارٹی کو 1223ہیلپ لائن پر اطلاع دیں۔